నేను

జంధ్యం వేయని సద్బ్రాహ్మణుడ్ని
నామం పెట్టని శ్రీవైష్ణవుడ్ని
పూజలు చేస్తే లొంగి పోతాడని
భజనలు చేస్తే పొంగి పోతాడని
ఇక ఏం చేసినా చెల్లుతుందని
వంగి వంగి దండాలు పెట్టే
భక్తి పరాయణుల దృష్టిలో ఓ నాస్తికుడ్ని

అజ్ఞేయవాదం నా ప్రవృత్తి
హేతువాదం నాకున్న శక్తి
శాస్త్రీయదృక్పథం నా మార్గం
సమసమాజం నా స్వర్గం
మనిషే దైవం
మమతే దీపం ధూపం నైవేద్యం
మానవతే నా అద్వైతం

అర్థం పర్థం లేని ఆచారాలు నాకసలే పట్టవు
స్వార్ధంతో కూడిన సంప్రదాయాలంటే గిట్టవు
జాడ్యం మౌఢ్యం నాతో ఎపుడూ జత కట్టవు